FIFA në kongres mban një minutë heshtje për Vokrrin

FIFA ka mbajtur një minutë heshtje për Fadil Vokrrin në kongresin e 68 që po mbahet në Moskë.

Ky kongres ka filluar duke mbajtur një minutë heshtje për kryetarët e federatave që ishin të pranishëm në kongresin e vitit të kaluar, por që kanë vdekur brenda periudhës kohore mes dy kongreseve.

“Do të donim ti kujtojmë ata që ishin me ne vitin e kaluar dhe fatkeqësisht na kanë lënë. Ngushëllime për familjet dhe të afërmit e tyre dhe do të doja që të mbanim një minutë heshtje në nderim të tyre”, ka thënë Gianni Infantino, kryetar i FIFA-s.

Lexo edhe:  Ndodh edhe kjo në Kinë: Futbollisti zëvendësohet 7 herë ende pa nisur ndeshja?

Në punimet e këtij kongresi ishte planifikuar të merrte pjesë edhe ish-kryetari i FFK-së, Fadil Vokrri, së bashku me zëvendëskryetarin, Agim Ademi dhe sekretarin e përgjithshëm, Eroll Salihu. Vokrri vdiq të shtunën në mëngjes si pasojë e sulmit në zemër.

Në punimet e Kongresit të FIFA-s, Kosova po përfaqësohet nga zëvendëspresidenti Agim Ademi dhe nga menaxheri Bajram Shala, kurse si pikë kryesore e këtij kongresi do të jetë votimi për nikoqirin e Botërorit 2026, e ku janë dy kandidatura, ajo e Marokut dhe kandidatura e përbashkët SHBA-Kanada-Meksikë.

Artikuj të ngjashëm

Comments are closed, but trackbacks and pingbacks are open.