Pacolli takon ambasadoren e Mbretërisë së Holandës në Kosovë, diskutohet liberalizimi i vizave

 

Zëvendëskryeministri i Parë dhe Ministri i Punëve të Jashtme të Kosovës, Behgjet Pacolli, ka pritur në takim, ambasadoren e Mbretërisë së Holandës në Kosovë, Gerrie WIllems, me të cilën kanë diskutuar për perspektivën evropiane, si dhe procesin e liberalizimit të vizave për qytetarët e Kosovës.

Pacolli ka njoftuar diplomaten holandeze rreth progresit në Kosovë, në veçanti përmbushjen e kritereve që Kosova ka bërë për liberalizimin e vizave.

Në takim është diskutuar edhe për bashkëpunimin ndërmjet dy vendeve. ​Me këtë rast, Pacolli ka theksuar nevojën e ngritjes së nivelit të bashkëpunimit edhe në fushën e ekonomisë, tregtisë dhe investimeve.

Lexo edhe:  Zogu i zhurmshëm shkatërron gjithçka në një dyqan (Video)

Pacolli ka kërkuar vazhdimin e mbështetjes së Mbretërisë së Holandës edhe në procesin e anëtarësimit të Kosovës në organizatat ndërkombëtare.

Ky takim i është zhvilluar para vizitës që ministri Pacolli do të zhvillojë më datën 20 qershor në Mbretërinë e Holandës.

Artikuj të ngjashëm

Comments are closed, but trackbacks and pingbacks are open.